Gjenevë, 20 nëntor, NOA – Federata Ndërkombëtare e Futbollit, FIFA, me anë të një vendimi të posaçëm ka përjashtuar dy anëtarë të Komitetit Ekzekutiv të saj, pasi u akuzuan se kishin bërë manipulime gjatë shpërndarjes të së drejtës për zhvillimin e dy kampionateve botërore, të vitit 2018 dhe 2020.
Kështu, pasi rreth tyre u zhvillua një hetim i posaçëm lidhur me këtë çështje, konkretisht FIFA mori vendimin për përjashtimin e nigerianit Amos Adamu për tri vitet e ardhshme nga të gjitha funksionet e futbollit dhe tahitianit Reynald Temari, për një vit prej tyre.
Ndërkohë katër anëtarë të mëparshëm të Komitetit nuk kanë të drejtë të jenë aktivë për FIFA-n në 12 vitet e ardhshme, pasi dyshohet se u kanë dhënë këshilla gazetarëve se si mund t'i korruptojnë zyrtarët e saj.
n.e/NOA
