Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Nishani: Bashkëpunim me EULEX kundër krimit të organizuar
English

Nishani: Bashkëpunim me EULEX kundër krimit të organizuar

Tirane, 3 dhjetor, NOA – Drejtësia shqiptare dhe misioni EULEX në Kosovë do të thellojnë dhe më tej bashkëpunimin në fushën e krimit të organizuar dhe luftën ndaj fenomeneve të tjera negative.

Në takimin e zhvilluar me kreun e EULEX në Kosovë, Xavier Bout de Marnhac, ministri i Drejtësisë, Bujar Nishani garantoi bashkëpunimin e palës shqiptare.

Nishani theksoi kontributin e ministrisë së Drejtësisë në fushën e bashkëpunimit ndërkombëtar juridiksional si dhe asistencën juridike që i është i ofruar autoriteteve të drejtësisë së Kosovës.

Ai shprehu gatishmërinë e tij me qëllim që ndihma e ndërsjelltë në fushën e bashkëpunimit ndërgjyqësor të jetë e shpejtë dhe efikase.

Drejtuesi i EULEX-it, Xavier Bout de Marnhac, tha se e konsideronte këtë vizitë pune në Shqipëri si shumë të rëndësishme përsa i përket diskutimit dhe bashkërendimit të punës në kryerjen e procedurave në fushën e drejtësisë dhe të rendit.

Në takim u fol dhe për tre draft –marrëveshje, të cilat do të nënshkruhen së shpejti nga autoritetet e drejtësisë në Shqipëri dhe Kosovë, në fushën e bashkëpunimin juridiksional si dhe të tjera që i vijnë në ndihmë çështjes së sundimit të ligjit në Kosovë.

Vizita e De Marnhac në Tiranë është pjesë e turit të tij në vendet e Ballkanit, konkretisht në Beograd, Podgoricë dhe Shkup.

a.k/NOA

KOMENTE