“Kush mund ta hajë këtë alibi, e cila nuk qëndron më në këmbë. Vetë Saliu një vit më parë tha se këto janë përmbytje që ndodhin 1 herë në 100 vjet e ndërkohë na doli se ndodhin 5 herë në vit. Si është e mundur? Është e mundur vetëm për një arsye dhe arsyeja është dështimi i Sali Berishës”.
Edi Rama*
Kush mund ta hajë gënjeshtrën e madhe se të gjithë ujërat e Ballkanit u grumbullokan në Shkodër? Kush mund ta hajë gënjeshtrën e madhe se e gjithë furia e natyrës u drejtoka në Shkodë? Kush mund ta hajë këtë alibi, e cila nuk qëndron më në këmbë.
Vetë Saliu një vit më parë tha se këto janë përmbytje që ndodhin 1 herë në 100 vjet e ndërkohë na doli se ndodhin 5 herë në vit. Si është e mundur? Është e mundur vetëm për një arsye dhe arsyeja është dështimi i Sali Berishës.
Kush i paguan këto çmime, kush i paguan të gjitha këto me radhë. I paguajnë njerëzit e zakonshëm, i paguani të gjithë ju që dëgjoni përditë sesi makina e baltës vërshon me shpifje, me akuza, me gënjeshtra, me fyerje, me gjithë farë lloj monstruozitetesh kundër opozitës.
Ndërkohë që qeveria është aty për të qeverisur dhe për ti dhënë llogari popullit të vet, jo për të treguar me gisht opozitën si armikja e popullit dhe si i vetmi problem që populli paska. Jo, është e kundërta. Opozita është forca përmes së cilës populli i kërkon llogari qeverisë. Një qeveri që zgjidhet me vota jep llogari sepse varet nga vota.
Por një qeveri që i merr votat edhe kur populli nuk ja jep nuk do t’ja dijë fare për popullin, nuk do t’ja dijë fare se ç’mendojnë e ç’ndjejnë njerëzit kur ajo bën padrejtësi pas padrejtësish pasi është e bindur se do t’ja marrë përsëri votën edhe po s’ja dhanë.
Ja pse është shumë e rëndësishme që ne të çlirojmë votën, sepse vetëm duke çliruar votën, ne çlirojmë ekonominë, ne çlirojmë drejtësinë, ne çlirojmë demokracinë, çlirojmë arsimin dhe shëndetësinë, pasi vetëm kur të varet nga populli, nga vota e tij, qeveria do të sillet me popullin si shërbëtore e tij.
Ndërkohë që për sa kohë qeveria do t’ja marrë popullit votën edhe kur populli nuk ja jep, do ta trajtojë popullin si skllav, si rob, si vartës, do tallet me popullin, siç tallet Saliu përditë.
*Pjesë nga fjala e kryetarit të PS-së, Edi Rama dje në protestën e zhvilluar në qytetin e Pogradecit
Përmbytjet, raportim minutë pas minute