Parlamenti maqedonas diskuton mocionin ndaj qeverisë

Shkup, 13 dhjetor, NOA - Në Parlamentin e Maqedonisë sot do të jetë në rend dite mocioni për mosbesimin e qeverisë së koalicionit VMRO-DPMNE dhe partisë shqiptare BDI.Propozimi për mocionin është bërë nga partia opozitare Lidhja Sociale Demokrate (LSDM), ndërsa është mbështetur edhe nga forcat e tjera politike të opozitës.

Kryeparlamentari Trajko Veljanovski njoftoi javën e kaluar se kjo çështje do të jetë ndër pikat e vetme të rendit të ditës të Parlamentit.

Mocioni i mosbesimit të Qeverisë pritet të jetë i pasuksesshëm, për shkak se opozita nuk arrin të sigurojë shumicën e votave për shpërndarjen e Parlamentit. Maxhoranca aktuale numëron mbi 80 vende në Parlament, duke përfshirë edhe partinë shqiptare BDI.

Partitë e koalicionit qeveritar javën e kaluar hodhën poshtë propozimin e opozitës maqedonase për të mbajtur zgjedhje të parakohshme parlamentare, duke i konsideruar ato të panevojshme dhe në kundërshtim me agjendën e përcaktimeve shtetërore.

NOA/INA

KOMENTEShkruani Komentin