Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Tërhiqet uji nga disa zona të përmbytura, ushtria vijon të mbrojë argjinaturat
English

Tërhiqet uji nga disa zona të përmbytura, ushtria vijon të mbrojë argjinaturat

Shkodër, 13 dhjetor, NOA – Pas përmirësimit të situatës së përmbytjeve në Shkodër, kur moti pa reshje ka sjellë për rrjedhojë edhe tërheqjen e ujit duke zvogëluar sipërfaqen e përmbytur të qarkut, në 11 440 ha tokë nën ujë, shtabi i emergjencave në Shkodër bën një pasqyrë të re të situatës së nivelit të ujit mbi kaskadën e lumenjve Drinë dhe Buna. Sipas të dhënave më të fundit niveli i ujit në liqenin e Shkodrës pranë urës së Bunës shënon kuotën absolute me 9.35 m; niveli i ujit në lumin Drin pranë urës së Bahçallëkut është 8.95 m; kuota në Dajç është 7.2 m; hidrovori në Velipojë po punon me kapacitet të plotë me kuotë -1.2 dhe prurjet në lumin Kir janë 50 m3/sek, e ato në lumin Gjadër janë 50 m3/sek.

Në bashkinë e Shkodrës gjatë ditës së sotme niveli i ujit ka rënë 10 deri në 20 cm. Vazhdojnë ende të jenë në ujë pjesërisht zonat e Kirasit (rruga për tek Bregu i Rërës), lagjia e Livadheve dhe lagjet Manush Alimani, Salo Halili, Ajasëm, Iliria, Bahçallëk dhe pjesërisht lagjia Shirokë, ku gjendet edhe pika turistike e Shirokës.

Po kështu, aksi rrugor i unazës është i kalueshëm për mjetet e vogla, ndërsa aksi rrugor Xhabije-Ura e Bunës vazhdon të jetë i pushtuar nga uji dhe aty mund të kalohet vetëm me mjete lundruese apo me mjetet e rënda të transportit.

Komuna Ana-Malit

Situata e nivelit të ujit në këtë komunë ka një përmiresim të vogël pasi niveli i ujit është ulur me rreth 5 cm brenda natës.

Aksi rrugor Zues – Muriqan është i kalueshëm nga të gjitha llojet e automjeteve, ndërsa sa i përket zonave më të përmbytura si fshatrat Obot e Goricë, ata janë ende të izoluara nga uji duke e bërë të pakalueshme rrugën lidhëse me këto fshatra nga mjetet tokësore.

Komuna Bushat

Edhe këtu ka rënie të nivelit të ujit me rreth 15-20 cm, porse vazhdojne të jenë nën ujë rrugët lidhëse me fshatrat Trush i Poshtëm dhe Mali i Jushit.

Komuna Bërdicë

Niveli i Ujit ka pësuar rënie me rreth 7-10 cm. Aksi rrugor nga Harku i Bërdicës deri përtej fshatit Trush është i kalueshëm nga të gjitha llojet e automjeteve, ndersa rruga për të shkuar në Dajç është e bllokuar dhe aty kalohet vetëm me mjete lundrimi.

Në komunën Dajç, më e përmbytura gjatë këtyre ditëve situata ka një përmirësim të ndjeshëm në krahasim me një natë më parë, pasi uji ka pësuar rënie prej rreth 10-15 cm.

Këtu sipërfaqja nën ujë është rreth 80%, ndërsa akset që e lidhin komunën e Dajçit me fshatin Mushan dhe fshatin Suka e Dajçit janë të kalueshme me mjete të larta.

Akset rrugore që lidhin këtë komunë me komunat e tjera jane ende të pakalueshme me mjete tokesore.

Komuna Guri i Zi

Situata në këtë komune ka një përmiresim, sa i përket nivelit të ujit, i cili ka rënë plotësisht natën e fundit në zonat e përmbytura (Kuç, Rrenc dhe Vukatanë) dhe banorët kanë filluar të kthehen në banesat e tyre.

Komuna Velipojë

Niveli i Ujit është pothuajse i njëjtë me situatën e mëparshme duke patur një përmirësim të lehtë pasi uji ka pësuar një rënie të vogël me rreth 5 cm gjatë natës. Rrugët që lidhin Velipojën me Shkodrën vazhdojnë të jenë nën ujë, ndërsa rrugët e komunës nëpër fshatrat përreth janë të kalueshme.

Shtabi i emergjencave bën me dije se transporti me Shkodrën bëhet me mjete lundruese dhe nga ajri.

Policia e Shkodrës në bashkëpunim me forcat e ushtrisë vazhdojne të ruajnë dy argjinaturat e fshatrave Reç dhe Ças në Komunën e Velipojës.

mit/NOA
KOMENTE