Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Basha dhe 50 qytetar, tur takimesh me krerët e BE-së
English

Basha dhe 50 qytetar, tur takimesh me krerët e BE-së

Bruksel, 17 dhjetor, NOA-Ministri i Brendshëm Lulzim Basha, sëbashku me 50 qytetarë, pjesa më e madhe studentë, udhëtuan për herë të parë në kushtet e lëvizjes së lirë për shqiptarët në zonën Shengen në datat 15-16 dhjetor 2010.

Takimi i parë u zhvillua me Drejtorin për Ballkanin Perëndimor në Drejtorinë e Përgjithshme të Zgjerimit Pierre Mirel, Shefin e Njësisë për Marrëdhëniet me Jashtë në Komisionin për Çështjet e Brendshme Luigi Soreca dhe përfaqësuesin e presidencës belge të BE Melcior Wathelet.

“Kemi vendosur në mënyrë të njëzëshme për liberalizimin e vizave dhe kjo është një provë e mirëbesimit që Europa ka për Shqipërinë. Shfrytëzojeni në mënyrën më të mirë këtë liri lëvizjeje”, mësohet të jetë shprehur Mirel gjatë takimit.

Duke shprehur falenderimin për mbështetjen që institucionet e Bashkimit Europian i dhanë procesit, Ministri i Brendshëm Lulzim Basha theksoi se me lëvizjen e lirë dimensioni i risiguruar europian i shqiptarëve do të sjellë një kontribut pozitiv të

kombit shqiptar për Europën.

Në një nga sallat e punimeve të parlamentarëve europianë në Bruksel, u zhvillua edhe një videokonferencë ku u mundësua një lidhje e drejtëpërdrejtë me Strasburgun.

Vizitorët nga Shqipëria komunikuan në këtë mënyrë me Komisionerin për Zgjerimin të Bashkimit Europian Stefan Fule, Presidentin e Parlamentit Europian. Jerzy Buzek, Kryetarin e Delegacionit për Ballkanin në Parlamentin Europian Eduard

Kukan dhe eurodeputetet Doris Pack e Tanja Fajon.

Data 16 Dhjetor nisi me një takim të posaçëm me Komisioneren për Çështjet e Brendshme të Bashkimit Europian Cecilia Malmstrom.

Udhëtimi i 50 qytetarëve shqiptarë vijoi në Romë ku u pritën në takim nga Ministri i Jashtëm i Italisë Franco Frattini, një nga personalitetet më të rëndësishëm të Bashkimit Europian që ka mbështetur fuqimisht liberalizimin e vizave për qytetarët shqiptarë.

Ky komunikim vjen nëpërmjet një deklarate për mediat dhënë nga zëdhënësi i ministrisë së Brendshme Fatmir Konja.

a.y/ NOA
KOMENTE