Shkodër, 17 dhjetor, NOA – Pakujdesia i ka kushtuar jetën një 40-vjeçari nga Shkodra. Korrespodenti i Agjencisë NOA në Shkodër raporton se Lutfi Muriqi është vetëvrarë dje në shtëpinë e tij, teksa ka qenë duke u pastruar armën e gjahut.
Ngjarja ka ndodhur në fshatin Melgushe, komuna Bushat rrethi Shkodër dje rreth orës 17.30.
40-vjeçari ka gjetur vdekjen e menjëhershme. Policia është njoftuar nga familjarët dhe agjentët e Policisë së Shkodrës kanë shkuar menjëherë në vendngjarje,
Pas hetimeve të para policia ka konfirmuar se ngjarja ka ndodhur aksidentalisht.
Pranë trupit të viktimës u gjet dhe u sekuestrua arma e krimit, tip arme gjahu, çifte, si dhe një gjerdan me 24 copë fishekë armë gjahu.
a.k/NOA
