English

Rritet fluksi i shqiptarëve që kalojnë kufirin jugor

E diel, 19 dhjetor, NOA- Pika doganore e Kapshticës vetëm mëngjesin e sotëm ka kaluar 1500 qytetarë shqiptar që kane udhëtuar drejt shtetit fqinj, Greqisë, disi më i ulët paraqitet ky numër në Kakavijë.

Ndërkohë që një numër i lartë shqiptarësh që po largohen drejt vendeve të tjera të Shengenit me rrugë ajrore, kanë paraqitur më pak probleme.

Pika doganore më problematike deri më sot që nga data 15, datë në të cilën filloi lëvizja e lirë e shqiptarëve, është ajo e Kakavijës.

Nga kjo pikë kufitare ka shkuar në qindra e qindra, numri i qytetarëve shqiptar të kthyer mbrapsht, e argumentuar kjo me mungesën e dokumentacionit.

Ajo që vihet re në këto pika kufitare krahas shtimit të të larguarve jashtë Shqipërisë, është ulja e numrit të emigrantëve të cilët kthehen në vendlindje.

Kjo situatë vjen për faktin se, tashmë janë të afërmit e tyre ata që do i vizitojnë, në vendin që emigrantët shqiptarë jetojnë e punojnë.

a.y/NOA

KOMENTE