Frankfurt, 21 dhjetor, NOA – Problemet me fluturimet kanë qenë edhe gjatë ditës së djeshme e mëngjesit të sotëm, një problem i vërtetë për shumë aeroporte në Evropë.
Kjo pasi kushtet e këqija atmosferike kanë detyruar për të disatën ditë me radhë vonesa dhe anulime fluturimesh në aeroportet kryesorë të Europës.
Vendet që paraqesin më shumë probleme janë Britania, Franca dhe Gjermania, ku qindra pasagjerë, e kaluan natën në tenda dhe stolat e aeroportit Heathrou të Londrës.
Nga ana tjetër, mediat evropiane bëjnë me dijeni se më shumë se 1.000 fluturime u anuluan për në aeroportet gjermane të Frankfurtit, Mynihut dhe Berlinit.
n.e/NOA
