Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Rrugët problematike nga përmbytjet dhe reshjet në Shkodër
English

Rrugët problematike nga përmbytjet dhe reshjet në Shkodër

Shkodër, 21 dhjetor, NOA – Pavarësisht tërheqjes së ujit në një pjesë të zonave të përmbytura në Shkodër situata paraqitet problematike në qarkullimin e automjeteve në disa prej akseve rrugore që lidhin komunat me qendrën.

Sipas informacioneve më të fundit të Shtabit të Emergjencës situata paraqitet si më poshtë;

Rruga e Shirokës në të gjithë gjatësinë e saj kalohet nga mjetet e mëdha dhe të mesme. Kalojnë me vështirësi automjetet e vogla, pasi nga përmbytjet rruga ka pësuar një dëmtim në vendin e quajtur Peshkimi.

Rrugët nacionale dhe rrugët lidhëse me komunat :

Aksi rrugor Shkodër – Tiranë, tek Harku i Berdicës është i kalueshëm nga të gjitha llojet e automjeteve.

Rruga Shkodër për në Komunën Ana e Malit dhe PKK Muriqan kalohet nga të gjitha llojet e automjeteve.

Aksi rrugor Shkodër – Bërdicë, tek Harku i Berdices është i kalueshëm nga të gjitha llojet e automjeteve.

Aksi rrugor Shkodër – Velipojë Kalohet vetëm nga Bishti Jukës me të gjitha llojet e mjeteve.

Rruga për në Komunën Dajç kalohet me mjete të larta.

Aksi rrugor Shkodër – Kir – Mali i Shoshit – Komuna Shalë, lëvizja kryhet me vështirësi nga mjete të mesme dhe të larta.

Aksi rrugor Bogë – Theth është i pa kalueshme, (në Qafë Thorë ka rreth 2 m borë).

Aksi rrugor Breg Lumi – Theth vazhdon të jetë i bllokuar si pasojë e shembjes së rrugës, pasi lumi ka marrë me vete një pjesë të rrugës duke e bërë atë të pa kalueshme.

Në rrethin Malësi e Madhe:

Aksi rrugor Shkodër - Kelmend ka probleme të pjesshme si rezultat i rrëshqitjeve masive të dheut nga shiu i rrëmbyeshëm.

Në rrethin Pukë:

Aksi rrugor Puke - Shkodër është i ngrire në pjesën me të madhe të gjatësisë së tij dhe mund të kalohet vetëm me Zinxhir.

a.k/NOA

KOMENTE