Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Trafiku, kapen 60 kg hashash në kufirin grek, në kërkim dy të rinj nga Libohova
English

Trafiku, kapen 60 kg hashash në kufirin grek, në kërkim dy të rinj nga Libohova

Gjirokastër, 23 dhjetor, NOA – Policia Kufitare ka arritur të sekuestrojë një sasi të konsiderueshme hashashi, e cila ishte duke u dërguar drejt Greqisë. Bëhet fjalë për 60 kilogramë hashash të cilat transportoheshin nga dy persona.

Operacioni i Policisë Kufitare Shqiptare ka nisur mbrëmjen e djeshme rreth orës 23.00. Policët kanë vrejtur me anë të dylbive se në zonën e Gjelbër të Kufirit dy shtetas ishin duke transportuar dy çanta në kufirin grek.

Ndjekja ndaj tyre ka nisur në fshatin Peshkëpi e Sipërme të rrethit Gjirokastër. Pas sinjalizimit të parë ka nisur dhe organizimi i forcave të kufirit së bashku me Policinë e Gjirokastrës.

Sapo dy trafikantët kanë parë afrimin e forcave të policisë janë larguar duke braktisur dy çantat. Pas kontrollit që ka bërë policia rezultojë se në secilën prej çantave janë gjetur 30 kilogramë hashash.

Drejtuesit e Policisë Kufitare të Gjirokastrës kanë kontaktuar me homologët e palës greke për të bërë të mundur kapjen e dy personave.

Policia e Gjirokastër bëri të ditur se personat që transportonin lëndën narkotike janë dy të rinj nga Libohova, ku për arsye hetimi nuk bëjmë me dije gjeneralitetet e tyre.

a.k/NOA

KOMENTE