Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Komisioni hetimor për zgjedhjet, Kuvendi rimblidhet të hënën për ta votuar
English

Komisioni hetimor për zgjedhjet, Kuvendi rimblidhet të hënën për ta votuar

Tiranë, 24 dhjetor, NOA – U tha se dje do të ishte seanca e fundit plenare për këtë vit, por mesa duket nuk paska qenë kështu, pasi palët nuk arritën që të kenë asnjë konsensus mbi ngritjen e komisionit hetimor për zgjedhjet e qershorit të vitit të kaluar.

Kështu, pas një seance maratonë e cila nisi që në mëngjesin e djeshëm dhe përfundoi në orët e para të mëngjesit të sotëm, palët sërish nuk i dhanë dot zgjidhje çështjes së hetimit të zgjedhjeve, e cila sipas pretendimit të opozitës, ka për të zgjidhur ngërçin politik që ekziston prej dy vitesh në vendin tonë.

Nga ana e saj, mazhoranca përmes kryeministrit Sali Berisha, la të kuptonte se është e gatshme të bashkëpunojë me opozitën për hetimin e zgjedhjeve të 28 qershorit. Por se nuk mund të pranojë që ky hetim të kryhet në shkelje të ligjeve, vendimeve të Gjykatave dhe Kushtetutës së vendit.

Ndërsa opozita nga ana e saj, kërkoi që Kuvendi të mblidhet sërish të hënë për t’i dhënë zgjidhje situatës së krijuar.

Në kushtet e mungesës së akordit, Ruçi kërkoi që votimi për Komisionin Hetimor për zgjedhjet e vitit 2009 të shtyhet për ditën e hënë.

Kërkesa u pranua nga mazhoranca, ndërsa u vendos që gjatë kësaj kohë të vazhdojnë edhe bisedimet në kërkim të konsensusit.
n.e/NOA

KOMENTE