E shtunë, 25 dhjetor, NOA-Prokurorët e Ukrainës kanë ngritur akuza të reja kundër ish-kryeministres Julia Timoshenko.
Ajo i tha agjencisë ukrainase të lajmeve Interfaks, se “ata kanë parashtruar një akuzë plotësuese, për përvetësim të 120 mijë dollarëve”.
Ish-kryeministrja theksoi se shuma e përmendur ishte paguar nga qeveria në një bankë shtetërore në xhirollogarinë e Thesarit të Ukrainës.
Nëse shpallet fajtore, ajo mund të dënohet me 10 vjet burgim. Timoshenko është urdhëruar që të mos largohet nga Kievi.
Ajo tashmë ballafaqohet me akuza për keqpërdorim të pozitës dhe si rrjedhojë e kësaj ajo po i nënshtrohet një procesi të gjatë hetimor.
a.y/NOA