Berlin, 26 dhjetor, NOA-Është arrestuar në Gjermani një i akuzuar serb për krime lufte, anëtar i një njësie paramilitariste serbe.
Zoran Obradoviç është kapur në Gjermani para disa javësh, bëri të ditur zëdhënësja e Ministrisë së Drejtësisë në Berlin.
“Gjykata e Lartë e Frankfurt mbi Majn ka miratuar ekstradimin e tij për në Serbi”, vijoi më tej ajo.
Ndërkaq Obradoviç ka paraqitur ankimimin e tij në Gjykatën Kushtetuese gjermane. I akuzuari për krime lufte, Zoran Obradoviç ka qenë anëtar i “Çakallëve”, një njësie paramilitariste serbe, e cila ka qenë aktive në kohën e luftës në Kosovë.
a.y/NOA