Mitrovicë, 26 dhjetor, NOA- Ndërsa në mediat lokale ishte njoftuar se policë nga Serbia ishin angazhuar përgjatë rrugës në magjistralen e “Ibrit” që nga pika kufitare në Jarinje deri në jug të Mitrovicës dhe besohej se ata përkujdeseshin për sigurinë e eskortës që kalonte përmes Serbisë për në Prizren për të marrë pjesë në liturgjinë e shugurimit të Peshkopit Teodosije.
Por, Policia e Kosovës nuk kishte informacione të tilla.
“Në kuadër të ngjarjes së sotme ekziston plani operacional në të cili përfshihet e gjithë Kosova, e gjithashtu edhe veriu. Ne kemi marrë masat shtesë të sigurisë, ndërsa nuk jemi të njoftuar zyrtarisht për atë që po thoni ju”, ka thënë Avni Zahiti, zyrtar për informim i policisë rajonale të Mitrovicës, duke qetësuar kështu edhe banorët e zonës.
a.y/NOA