Prishtinë, 27 dhjetor, NOA-Në radhët e negociatorëve për bisedimet Prishtinë-Beograd, përfaqësuesit e serbëve pjesëmarrës në institucionet e Kosovës duan të përfshihen në diskutim.
Ministri serb për Punë dhe Mirëqenie Sociale në largim, Nenad Rashiç thotë se, “Meqenëse negociatat teknike Kosovë-Serbi do të nisin rishtazi, unë jam i mendimit se secili prej nesh duhet të marrë një përgjegjësi dhe bazuar në këtë përgjegjësi ne mund të marrin pjesë në to, natyrisht nëse jemi të ftuar”.
Zëvendëskryeministri i Qeverisë së Kosovës në largim Hajredin Kuçi, këmbëngul se përfaqësuesit e serbëve të Kosovës do ta kenë rolin e tyre në bisedat Kosovë-Serbi, madje ata do të jenë edhe pjesë e delegacionit.
Ky hap konsiderohet prej tyre si pjesë të përgjegjësisë që ata kanë në Kosovë.
a.y/NOA