Madrid, 28 dhjetor NOA - “Real Madrid nuk do të shesë Kaka”, - këto janë fjalë të thëna nga agjenti i FIFA, Ernesto Bronzetti, i cili shquhet si italiani i vetëm që njeh mirë presidentin e Realit të Madridit, Florentino Perez.
“Na lidh një miqësi dhjetë-vjeçare. Kam biseduar me të disa ditë më parë. Ka qenë blerja e tij kur nuk ishte ende president Është shumë kokëfortë, nuk mendoj se do ta largonte asnjëherë Kaka nga Reali. Megjithatë mund të them se në rast se vendos ta largojë me 90 për qind ai do të shkojë tek Çelsi dhe jo tek Inter”, - këto ishin fjalët e agjentit të FIFA, Bronzetti.
r.b/NOA
