Bregu i Fildishtë, 28 dhjetor, NOA - Presidenti aktual i Bregut të Fildishtë, Laurent Gbagbo, duhet të tërhiqet ose në të kundërtën, do të përballet me ndërhyrje ushtarake.
Ky është presioni që tre presidentë të cilët përfaqësojnë bllokun rajonal të Afrikës Perëndimore, ECOVAS, i kanë bërë personit që po paralajmëron luftë civile në Bregun e Fildishtë.
Ata mësohet se janë konkretisht presidenti i Sierra Leones, Kepit të Gjelbër dhe Beninit, të cilët nuk janë aspak të interesuar për një luftë në rajonin e tyre, qoftë kjo edhe civile mes forcave politike të një vendi të caktuar.
Por ende nuk dihet si do reagojë Gbagbo ndaj një ultimatumi të tillë, ndërsa ai vazhdon të këmbëngulë se i ka fituar zgjedhjet e muajit të kaluar.
n.e/NOA
