Elbasan, 3 janar, NOA- Gjykata e Elbasanit ka dhënë pak minuta më parë masën e sigurisë për Alfred Belbën dhe nënën e tij Tixhe Belba, të cilët tre ditë më parë vranë Zemrie Belbën 31 vjeç.
Bashkëshorti i viktimës së bashku me nënën e tij do të qëndrojnë në burg pa afat, për të shlyer krimin e tyre ndaj viktimës, deri sa gjykata të japë vendimin e formës së prerë.
Ngjarja e ndodhur në Qukës të Elbasanit, tronditi gjithë vendin ku nënë e bir mbytën nusen natën e 31 dhjetorit.
Megjithëse ngjarja u lajmëruar në të gdhirë, familja Belba deklaroi se vdekja e Zemries kishte ardhur nga shkaqe natyrore, duke fshehur krimin e bërë një natë më parë.
Policia pasi ka dëgjuar dëshmitë e familjarëve ka bërë ekspetrizën mjeko-ligjore të trupit të të ndjerës, e cila hodhi poshtë pretendimet e familjarëve Belba, duke dalë në përfundimin se Zemrie Belba është mbytur.
Gjatë marrjes në pyetje policia ka dalë në konkluzion se ka qenë bashkëshorti Alfred Belba që ka mbytur bashkëshorten e tij në mesnatë në shtrat, një krim i cili dyshohet të ketë ndodhur rishtas për arsye xhelozie, një fakt i njohur ky në zona të ndryshme të vendit, kur burrat që punojnë e jetojnë jashtë ndihen xhelozë për bashkëshortet e tyre që kanë lënë në Shqipëri.
a.y/NOA
{youtube}dizwTR7m8cI{/youtube}
