Mülheim, 3 Janar 2011 NOA/ Ervin Tirana – Kur kartolina që ju shihni në foto, u nis nga Hong Kongu për në Mulheim të Gjermanisë, vendi aziatik ishte një koloni angleze.
Këto ditë që kartolina mbërriti në destinacionin e duhur, Hong Kongu i është rikthyer Kinës kurse pritësi i kartolinës së urimit ka ikur nga kjo botë.
Kështu ka ndodhur me kartolinën që e ka marrë 71-vjeçarja Renate Hoppmann që ju shihni në foto teksa kundron dërgesën e nisur plot 40 vjet më parë.
Renate tregon se në fakt kartolina e nisur nga Hong Kongu drejt Gjermanisë nuk i përkiste asaj por të afërmit, Heiner Hoppmann.
“Kur është postuar kjo kartolinë, Hong Kongu ishte nën sundimin anglez. Ndërsa personi të cilit i është adresuar kartolina, Heinerit, ai ka vdekur para dhjetë vjetësh”, u shpreh Renate duke parë gjithë çudi urimin e dërguar para katër dekadash.
Në fakt postieri e dorëzoi këtë kartolinë pa e menduar gjatë se ajo ishte nisur plot 40 vjet më parë, por të themi të drejtën, nëse postat funksionojnë me të tilla ritme, do të ishte më e udhës që në vend të tyre të merrej me këtë punë ndonjë breshkë, se do t;ia dilte më shpejt...
e.t/NOA
