Bjellorusi, 15 Janar NOA - Stepa bjelloruse ka qenë skenë e një aksidenti tepër të çuditshëm, ku një dhelpër e plagosur nga një plumb, ka arritur të "qëllojë" një gjuajtje me armë ndaj gjuetarit duke arritur të zhdukej.
Aksidenti ka ndodhur në momentin që gjahtari u afrua për t’i dhënë fundin presë së tij.
Por dinakëria e kafshës në këtë rast është shfaqur në maksimum, ku dhelpra u shtirë si e ngordhur për të pritur afrimin e gjahtarit, duke i kërcyer atij e rastësisht duke tërhequr këmbëzën e pushkës, në një moment që arma ishte vendosur pranë saj.
Mund të themi se ishte një fund i lumtur për kafshën dinake dhe jo njësoj për gjahtarin.
Dhelpra arriti të shpëtonte, ndërsa gjuetari u detyrua të kërkonte ndihmë urgjente për të nxjerrë plumbin nga këmba e tij. r.b/NOA
