Tiranë, 20 janar 2011, NOA- Presidenti i vendit Bamir Topi është duke zhvilluar një takim me trupin diplomatik në Shqipëri.
Gjatë fjalës së mbajtur në këtë pritje e cila po zhvillohet në Pallatin e Brigadave ai tha se, Shqipëria ka arritur sukses në procesin e liberalizimit të vizave dhe për këtë, viti 2010 dëshmoi se u përmbushën të gjitha aspiratat e lëvizjes së lirë.
Gjatë fjalës përshëndetëse, Topi rikujtoi se liberalizimi i vizave ishte një sukses për shqiptarët, ndërsa synim mbeten përpjekjet e Shqipërisë për tu anëtarësuar në Bashkimin Evropian.
Lidhur me vitin 2011, ai u shpreh se, mbetet vit me vizion për arritjet e mëtejshme.
Ai theksoi gjithashtu se objektivi i radhës i Shqipërisë ka qenë dhe do mbetet familja e madhe evropiane.
Më tej lidhur me situatën politike në vend Presidenti kërkoi një bashkëpunim mes palëve duke e cilësuar dialogun si shërbimin më të mirë.
Ai e falënderoi trupin diplomatik për ndihmesën dhe punën e bërë për Shqipërinë madje theksoi rëndësinë e bashkëpunimeve të mëtejshme.
a.y/NOA
