Tiranë, 24 janar 2011, NOA – Policia e Shtetit ka bërë të ditur se Interpol Tirana në bashkëpunim me Interpol Athinën, arrestuan në Athinë shtetasin shqiptar Astrit Nuro Veraj, i dënuar për mashtrim. 58-vjeçari nga Shkodra ishte dënuar nga Gjykata e Apelit në Vlorë në 10. 11. 2008, me tre vjet burg, për kryerjen e veprës penale të mashtrimit. Sikundër bën të ditur policia Astrit Veraj në bashkëpunim me bashkëshorten e tij kanë mashtruar dy shtetas duke u shitur atyre dy herë të njëjtin apartament. Falë bashkëpunimit mes dy interpoleve Astrit Veraj do të ekstradohet drejt vendit tonë për të kryer dënimin e tij. mit/NOA
