Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Donatorët: Të shqetësuar, Shqipëria po ecte kaq mirë
English

Donatorët: Të shqetësuar, Shqipëria po ecte kaq mirë

Tiranë, 29 janar, NOA – “Ne kemi ndjekur me dhimbje të thellë dhe me shqetësim në rritje ngjarjet e fundit tragjike që ndodhën në Tiranë si dhe rritjen e tensionit politik në vend. Mjafton të kujtojmë progresin e madh që Shqipëria ka bërë gjatë dekadës së kaluar”.

Kështu nis deklarata e donatorëve kryesorë në Shqipëri, të cilët theksojnë se rritja ekonomike impresionuese e ka çuar vendin drejt një ekonomie me të ardhura të mesme të larta, ku ekonomia ka treguar elasticitet ndaj krizës financiare globale të kohëve të fundit. “Përpjekjet e qeverive të njëpasnjëshme kanë pasur sukses në reduktimin e dukshëm të varfërisë si dhe në ndërtimin e institucioneve demokratike, të cilat janë të rëndësishme për biznesin dhe zhvillimin e qëndrueshëm social-ekonomik”, citojnë ata më tej.

Duke shtuar se si partnerë afatgjatë të Shqipërisë që kanë mbështetur përpjekjet e zhvillimit të vendit si dhe rrugën e ndjekur drejt integrimit evropian do të dëshironin të shprehnin shqetësimin e tyre serioz lidhur me ndikimin negativ që tensionet e vazhdueshme mund të kenë mbi arritjet aktuale të vendit, mbi mjedisin e biznesit si dhe mbi zhvillimin e ardhshëm e të qëndrueshëm ekonomik dhe njerëzor.

“Shqiptarët i pret një axhendë e rëndësishme. Duhet të shfrytëzohen burimet e rritjes për ta mbajtur ekonominë sa më konkurruese në një botë gjithnjë e më komplekse dhe të vështirë, për ta bërë vendin sa më tërheqës për investimet e huaja, për të hapur mundësi të reja punësimi në vend, si dhe për të rritur mirëqenien e të gjithë qytetarëve.

Ne, si partnerë për zhvillim dhe integrim, jemi të angazhuar të ndihmojmë Shqipërinë që të ecë përpara në realizimin e kësaj agjendë sfiduese. Ne u bëjmë apel të gjithë homologëve tanë, udhëheqësve politikë si dhe qytetarëve të Shqipërisë që të punojnë së bashku për një të ardhme sa më të mirë për vendin e tyre”, përfundon deklarata në fjalë.

Ajo është nënshkruar nga Ambasada e Italisë - Zyra për Zhvillim dhe Bashkëpunim;

Ambasada Franceze, Ambasada Hungareze; Ambasada Gjermane; Ambasada e Mbretërisë së Hollandës; Ambasada e Mbretërisë së Norvegjisë në Prishtinë; Ambasada e Suedisë; IOM; PNUD; Zyra e Bankës Botërore në Tiranë; Zyra e Bashkëpunimit Zviceran; Zyra e JICA në Tiranë dhe Zyra e Organizatës Botërore të Shëndetësisë në Tiranë.

KOMENTE