Tiranë, 1 shkurt, NOA – Forcat e policisë së Tiranës kanë arrestuar në flagrancë një 24-vjeçar i cili posedonte lëndë narkotike.
Siç ato bëjnë me dije për agjencinë e Lajmeve NOA, i ndaluari mësohet se quhet
Armando Vokshi, banon në Tiranë dhe ka qenë i dënuar më parë për armëmbajtje pa leje.
Këtë herë, arrestimi i këtij personi u bë sepse në orën 19.00, dje tek “Xhamlliku”, iu gjet dhe iu bllokua në cilësinë e provës materiale 2 gram me gjithë ambalazh lëndë narkotike e dyshuar heroinë dhe 2 celularë të markave “Nokia” dhe “Samsung”.
Materialet e parashikuara nga neni 283 i Kodit Penal iu kaluan për veprime të mëtejshme prokurorisë.
n.e/NOA
