Prishtinë, 1 Shkurt 2011 NOA – Një grua 46-vjeçare, shqiptare e Kosovës, ka vdekur nga pasojat e infektimit me virusin A-H1N1, të njohur si gripi i derrit. Lajmin e pohoi sot, Faik Hoti, përfaqësues nga Ministria e Shëndetësisë.
Aktualisht në Kosovë janë të prekur të paktën 100 persona, kryesisht shqiptarë dhe një prej tyre, mësohet se është në gjendje kritike për jetën.
Sakaq në Shqipëri, Ministria e Shëndetësisë thotë se gjysma e të prekurve nga gripi janë të infektuar nga virusi A H1N1 por ai e ka humbur fuqinë vdekjeprurëse që kishte vitin e kaluar.
e.r/NOA
