Tiranë, 2 Shkurt 2011 NOA - Kuvendi i Shqipërisë nuk do të mblidhet nesër për seancë plenare. Për më tepër, nuk ka asnjë datë tjetër për mbledhjen e Parlamentit në seancë plenare.
Lajmi u konfirmua për agjencinë NOA, nga burime zyrtare të Parlamentit. Sipas tyre, moszhvillimi i seancës plenare, vjen pasi “deputetët janë të angazhuar në zonat e tyre elektorale”.
Të njëjtat burime i thanë agjencisë NOA se “Javën e ardhshme do të mblidhet konferenca e kryetareve për përcaktimin e kalendarit të punimeve të Kuvendit”.
Ndërkohë Parlamenti ka bërë të ditur se vazhdon punën në komisionet e përhershme parlamentare dhe komisionin hetimor.
Axhenda e komisioneve të përhershme nuk ka përfunduar shqyrtimin e projektligjeve të caktuara.
e.t/NOA
