Prishtinë, 5 shkurt 2011, NOA- “Marsi është muaji kur mund të pritet takimi i parë. Ky nuk do të jetë një takim i ngarkuar me tema të rënda, për të cilat ne kemi disa zgjidhje paraprake”, ka deklaruar Oliver Ivanoviç.
Sipas tij, fillimisht do të bisedohet për çështjen e personave të zhdukur, atyre të rrëmbyer dhe më pas do të bihet dakord për tema më të rëndësishme.
“Në masë të madhe suksesi i negociatave varet nga konstruktiviteti i shqiptarëve të Kosovës. Në të kundërt mendoj se ato nuk do të kenë një të ardhme pozitive”, ka shtuar Ivanovic, Sekretari shtetëror i Ministrisë serbe për Kosovën.
Ivanoviç ka theksuar se bisedimet e reja mes Prishtinës dhe Beogradit mund të fillojnë vetëm në mars.
a.y/NOA
