Athinë, 8 shkurt, NOA – Shoqata e Shkrimtarëve dhe Artistëve Shqiptarë në Greqi, “Liter Art”, organizoi në bashkëpunim me Shoqatën e Shkrimtarëve të Greqisë një aktivitet kulturor me temë “Poezitë e poetit të grek, me origjine arumune, Riga Fereu Velestin dhe poetit shqiptar Vaso Pasha”.
Nga ana e tij, ambasadori Dashnor Dervishi, vlerësoi organizatorët për frymën që kërkojnë të përcjellin në marrëdhëniet mes dy komuniteteve dhe dy vendeve tona me organizimin e aktiviteteve të tilla.
Ai evidentoi ngjashmëritë e shumta mes dy popujve, të cilat duhet të shërbejnë për forcimin e mëtejshëm të klimës miqësore mes dy vendeve.
Në aktivitet u vlerësua krijimtaria e dy poetëve rilindës për kontributin e madh që kanë dhënë në vendet e tyre për emancipimin e popullit shqiptar dhe grek me frymën e vëllazërimit dhe bashkëjetesës.
Vlerësim mori dhe përkthimi i shumë vepra të shkrimtarëve të njohur grekë dhe shqiptarë në gjuhët përkatëse, duke ndihmuar më shumë në njohjen dhe afrimin e dy popujve me njëri-tjetrin.
Aktiviteti përfshinte diskutime mbi veprën e poetëve, recitime të poezive si dhe këngë të kënduara në greqisht dhe shqip.
n.e/NOA
