Tiranë, 9 Shkurt 2011 NOA - Shqipëria ka arritur të shënojë kundër Sllovenisë përmes Ervin Bulku duke barazuar kështu rezultatin në minutën e 62-të por në fund të ndeshjes humb me penallti.
Më herët në minutën e 24-t ishte Navakoviç për sllovenët që shënoi golin e parë të kësaj miqësoreje.
Skuadra kuqezi prezantohet me këtë përbërje: Në portë, Saimir Ujkani, mbrojtja, nga Armend Dallku, Lorik Cana, Admir Teli, Kristi Vangjeli, mesfushorë: Klodian Duro, Altin Lala, Andi Lila, Ansi Agolli. Kurse në sulm, Hamdi Salihi dhe Erjon Bogdani.
Në pjesën e dytë u aktivizua nga trajneri Josip Kuzhe edhe Ervin Bulku i cili shënoi golin e barazimit.
Gjatë pjesës së dytë, ekipi shqiptar u përpoq shumë që të mbante së paku barazimin, por një penallti e akorduar në minutën e 89-të bëri që Dediç të shënojë për sllovenët.
Në këto kushte, ndeshja u mbyll me rezultatin 2-1 në favor të sllovenëve.
e.r/NOA
