Teheran (Iran), 18 shkurt, NOA - Mijëra vetë kanë kërkuar ekzekutimin e drejtuesve të opozitës në Iran, Mir Hosein Musavi dhe Mahdi Karrubi.
Thirrjet janë dëgjuar gjatë faljes së të premtes në Teheran. Gjatë ditës priten marshime të mbështetësve të regjimit që do të denoncojnë Musavin dhe Karrubin.
Opozita iraniane nxori në shesh të hënën e kaluar dhjetëra mijëra njerëz. Dy veta u vranë në përleshjet me forcat e rendit. Aktualisht Musavi dhe Karrubi janë në arrest shtëpiak.
NOA/RFE
