Prishtinë, 18 shkurt 2011, NOA- Bashkimi Europian mirëpret angazhimin e Kosovës dhe Serbisë në dialogun e ardhshëm mes tyre.
Zëvendësdrejtori i Përgjithshëm i Drejtorisë së Përgjithshme të Komisionit Evropian për Zgjerim, Stefano Sanino, ishte ai që lëshoi këtë deklaratë.
Sanino po qëndron në Kosovë për një vizitë disa ditore.
“Ne mirëpresim punën me qeverinë e Kosovës në realizimin e ambicieve evropiane të Kosovës. Axhenda e BE-së është një axhendë e reformave të ngjeshura. Sipas përvojës tonë edhe pse këto reforma janë të vështira, ato sjellin stabilitet dhe prosperitet”, deklaroi Stefano Sannino para mediave.
a.y/NOA
