Pogradec, 24 shkurt, NOA – Policia e Pogradecit ka arrestuar ish-Shefin e Financës së këtij komisariati. Korrespodenti i Agjencisë NOA në Pogradec njofton se arrestimi i Abaz Çobani, 56 vjeç është bërë ditën e djeshme nga uniformat blu.
Çobani ishte kërkim prej rreth një viti.
Ai ishte dënuar nga Gjykata më datën 18.06.2010, me një muaj burg për veprën penale të “Vjedhjes me shpërdorim të detyrës” dhe “Falsifikim të dokumenteve” parashikuar nga nenet 135 dhe 186/1 te Kodit Penal.
Çobani ka qenë me detyrë Shef Finance në këtë komisariat disa kohë më parë.
a.k.NOA
