E martë, 1 mars 2011, NOA- Një organizatë nën varësinë e Organizatës së Kombeve të Bashkuara, në bazë të studimeve të kryera deklarojnë se rreth 29 milion fëmijë janë të paarsimuar në botë.
Në këtë raport thuhet se në vijim të objektivave të OKB-së duhen 2 milion mësues në Afrikë deri në 2015-ën.
Më tej sqarohet se një vend i prekur ndjeshëm nga ky fenomen është edhe Afganistani, pasi sipas raportit sulmet nëpër shkolla kanë shkuar deri në 600, ndërsa në Jemen rreth 250 raste të tilla.
Shtohet gjithashtu se ky numër i fëmijëve të paarsimuar vjen si shkak i sulmeve mbi shkolla dhe dhunës seksuale.
Ndërkaq nga studimi vihet re se vendi më problematik është Republika Demokratike e Kongos, i quajtur prej “Unesco”-s si “kryeqyteti botëror i përdhunimeve”.
Ku theksohet gjithashtu se afërisht gjysma e viktimave janë minorenë, ndërsa ky studim përfshin periudhën deri në mesin e viti 2010. a.y/NOA
