Tiranë, 3 mars, NOA – Nis sot në qytetin e Durrësit, kampionati kombëtar i peshëngritjes, aktiviteti më i madh i këtij sporti në vendin tonë.
Siç bëhet me dijeni për agjencinë e Lajmeve NOA, kampionati do zhvillohet në mjediset e pallatit të sportit “Ramazan Njala” të qytetit bregdetar, në mënyrë individuale dhe ekipore, për meshkuj dhe femra.
Deri tani, në kampionatet e realizuara në vend, kampion ka dalë për 3 vite me radhë Erkand Qerimaj, i cili garon për Tiranën. Ndërkaq, ky kampionat zhvillohet para atij evropian që do të zhvillohet në Kazanj të Rusisë nga datat 11-17 prill.
n.e/NOA
