Tiranë, 7 mars 2011, NOA- Kryeministri i vendit Sali Berisha pak më parë uroi mësuesit për festën e 7 marsit nga Paskuqani ku dhe inauguroi një shkollë të re.
“Falenderoj të gjithë ata që i kanë përkushtuar jetën e tyre të nxënësve dhe nxënëseve, mirënjohja jonë është e pakufishme, janë ata të cilat hapin për fëmijët tanë dyert e shtëpisë më të bukur të njerëzimit, dyert e shtëpisë së dijes”, deklaroi kreu i qeverisë.
Sipas tij arsimi dhe edukimi janë dhe do mbeten përparësi mbi të gjitha pavarësitë.
Ai shtoi se vetëm në Paskuqan janë në investim e sipër 3.5 milionë dollarë për ndërtimin e tre shkollave të tjera, pasi sipas tij tek edukimi i brezave shikohet rruga më e sigurt për të ardhmen e vendit.
Ndër të tjera ai nuk kurseu as akuzat ndaj kreut të socialistëve, Edi Rama duke thënë se ai mohoi për dy vite rresht liritë e nxënësve dhe mësuesve dhe më tej ai theksoi se pushteti nuk merret me dhunë.
a.y/NOA
