Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Gruaja shqiptare shfrytëzon seksualisht një 26-vjeçare rumune
English

Gruaja shqiptare shfrytëzon seksualisht një 26-vjeçare rumune

Halkidha, Greqi, 20 Mars 2011 NOA – Organizatë kriminale që merrej me shfrytëzim prostitucioni u zbulua sot në Greqi me protagoniste një grua të re shqiptare e cila ishte koka e “bandës”.

E dyshuara është arrestuar por në kërkim janë shpallur dhe dy të tjerë që ishin pjesë e grupit trafikant, raporton korrespondenti i agjencisë NOA.

Sipas të dhënave të Policisë greke, 28-vjeçarja shqiptare, ka shfrytëzuar për prostitucion një 26-vjeçare rumune. Kjo e fundit, ishte blerë për pesëmijë euro nga një tjetër grup trafikantësh dhe prej disa javësh ishte nën kontrollin e bandës shqiptare.

Nga hetimet policore të antitrafikut në Halkidha, gjithashtu u mësua se rumunes i ishin mbajtur pasaporta dhe çdo mjet identifikimi e po ashtu nuk i lejohej të mbante celular. Dhe në këtë vorbull trajtimi, ajo nxirrej në rrugë për të shitur trupin e saj me qëllim nxjerrjen e fitimit për 28-vjeçaren shqiptare dhe për dy shokët e saj gjithashtu shqiptarë, një 31 vjeç dhe tjetri 28 vjeç.

Policia tha se në sajë të një operacioni që erdhi pas përgjimeve disaditore, arriti të kapë gruan shqiptare e po ashtu të çlirojë nga kthetrat e prostitucionit edhe të renë rumune e cila u dërgua në një qendër rehabilitimi për gratë e dhunuara seksualisht.

Policia tha se me kapjen e 28-vjeçares shqiptare, tani është në kërkim edhe të dy shqiptarëve të tjerë të dyshuar si pjesë e organizatës trafikante.

n.s/e.t/NOA

KOMENTE