Tiranë, 23 mars, NOA – Deputetët e Partisë Socialiste dhe kryetari i Njësisë bashkiake Numër 3 në kryeqytet, Ilir Kokona janë konfliktuar sot në zyrat e institucionit të pushtetit vendor për çështjen e listave të zgjedhësve.
Deputetët e selisë rozë, Ilir Gjoni dhe Erjon Braçe kanë kërkuar nga drejtuesi i njësisë vendore që të shohin të dhënat e listave të zgjedhësve. Bashkë me deputetët e PS-së para zyrave të Njësisë Bashkiake kanë qenë dhe disa dhjetëra qytetarët mbështetës së Partisë Socialiste.
Kreu i njësisë vendore, Ilir Kokona nuk ka lejuar që deputetët të njihen me dokumentacionin, duke pretenduar se kjo është një e drejtë e përfaqësuesve të Drejtorisë së Përgjithshme të Gjendjes Civile.
Debati mes dy ligjvënësve dhe Kokonës për pak ka degjeneruar në dhunë fizike, nisur dhe nga irritimi i mbështetësve të PS-së.
a.k/NOA (vijon..)
