Tiranë, 24 mars, NOA – Edhe pak ditë na ndajnë nga ndërrimi i ri i orës, i cili ndodh për çdo fund të muajit mars.
Kështu, gjatë natës së të shtunës në 26 mars, duke u gdhirë e diela e 27 marsit, do të ecim përpara me 60 minuta, pra do të kapërcejmë një orë para.
I bie që një orë “e vjedhur” ndaj gjumit, do të shkëmbehet me një orë më shumë dritë.
Ekspertët e shëndetësisë thonë se për ta përballuar një ndërrim të tillë duhet që të flemë më herët në darkë dhe gjithashtu e dobishme është që të mos e përdorim shumë ushqim dhe alkool.
Ka shumë studime që tregojnë se përfitimet që vijnë nga shijimi i një ore dritë më shumë janë të mëdha, për anën psikologjike tonën, duke ndikuar pozitivisht në ngritjen e humorit dhe largimin pak nga pak të trishtimit që na mbulon në dimër.
I pari që ka teorizuar ndryshimin e orës ka qenë Benjamin Franklin, në shekullin XVIII.
n.e/NOA
