Tiranë, 27 mars, NOA, Update – Kryeministri Sali Berisha ka deklaruar sot në mbledhjen e Këshillit Kombëtare të PD-së se zgjedhjet e 8 majit do të jenë me standarde dhe se mazhoranca shkon e sigurt drejt fitores. “Kjo qeveri kjo shumicë ka përgjegjësi. Për të arritur në standardet më të mira, ka bërë investimet më të mëdha, sot ne shkojmë drejt zgjedhjeve me një kuadër ligjor tërësisht konsensual, të respektojmë çdo votë të qytetarëve shqiptare. Zgjedhjet e 2009 nuk ishin vetëm zgjedhjet më të mira, jo, ishin zgjedhje që plotësuan, standardet kryesore të OSBE. Por ajo që u bën, çudi është se nuk pati asnjë provë që pati manipulim të rezultateve dhe numërim jo të rregullt”, tha Berisha në fjalën e tij.
Ai u shpreh se fushata ka nisur dhe mazhoranca do të prezantohet në këto zgjedhje me modelin me të mirë.
“De fakto kemi nisur fushatën elektorale, përgatitjet intensive, ndaj dhe unë, duhet të përcjell ju, të gjithë kandidatëve të “aleancës për qytetar”, t’ju përcjell të gjithë strukturave simpatizantëve të Partisë Demokratike qëllimin më madhor, të kësaj fushate, votën e lirë të shqiptarëve. Ne jemi parti e votës së lirë, jemi, qytetarë të këtij vendi, të bashkuar pavarësisht të gjitha dallimeve të tjera, tek besimi ynë, i hekurt i palëkundur tek vota e lirë dhe vlerat e saj”, tha Berisha në fjalën e tij në fillim të mbledhjes.
a.k.NOA
