Suedi, 27 Mars NOA - Zbulimi i tmerrshëm ka ndodhur teksa protagonistja e episodit, një banore e një fshati në Gunnilse, po i jepte qumështin qenit të saj.
Në këtë skenë ka asistuar dhe vajza e saj. Edhe një produkt i pastër siç është qumështi, disa herë mund të rezervojë surpriza jo të këndshme.
Një rast i tillë ka ndodhur me një grua suedeze e cila në paketimin e “sigurt” të një kutie qumësht gjeti surprizën: një prezervativ.
Gruaja që jeton në Suedi në fshatin e Gunnilse, ka pohuar se ka bërë këtë zbulim të tmerrshëm teksa po hidhte pikat e fundit të qumështit “filmjolk” – lloji i fermentuar që ajo kishte blerë – për tu ushqyer qenin.
Konfirmimi i këtij rasti, ka ardhur dhe nga vajza e protagonistes, Milica, e cila pohoi se nga paketimi i kutisë së qumështit teksa e ëma e saj po e derdhte në vendin ku ushqehej qeni, doli një prezervativ në ngjyrë rozë.
Vajza bëri të ditur gjithashtu se ky incident i ka prishur oreksin atyre për ditë me radhë.
r.b/NOA
