Uashington, 29 mars, NOA – Organizata botërore e të drejtave të njeriut, “Amnesty International”, ka deklaruar se numri i dënimeve me vdekje ka shënuar rënie gjatë viteve të fundit.
Sipas raportit të saj të fundit, gjatë vitit të kaluar janë ekzekutuar 527 njerëz në 23 vende, ndërsa mbi 2.000 njerëz të tjerë, janë dënuar me vdekje.
Ndërsa një vit më parë, “Amnesty International” kishte raportuar se janë kryer 714 ekzekutime, si dhe më shumë se 2.000 dënime me vdekje.
Duke iu referuar këtyre shifrave, “Amnesty International” ka bërë me dije se bota po shënon një pritje drejt rënies së dënimeve me vdekje dhe ekzekutimeve.
n.e/NOA
