Tiranë, 5 prill, NOA - Sistemi bankar shqiptar po reagon pozitivisht ndaj efekteve negative të krijuara nga kriza financiare botërore.
Një fakt të tillë e theksoi sot Guvernatori i Bankës së Shqipërisë, Ardian Fullani, sipas të cilit, një gjë e tillë ka ndodhur për shkak të një mbikëqyrje të rreptë të siguruar ndaj këtij sistemi nga ana e Bankës Qendrore.
Sipas Fullanit, prioritet i është dhënë strukturës rregullatore të sistemit bankar, si një nga çelësat kryesorë për mirëfunksionimin e tij.
Pa lënë mënjanë as faktin e sigurimit të depozitave dhe rirregullimit të këtij sistemi, si një kusht për të garantuar qetësinë e qytetarëve dhe kursimet e tyre, në një mjedis të tillë të paqëndrueshëm financiar si ai që ofroi së fundmi kriza financiare botërore.
n.e/NOA
