SHBA, 9 prill, NOA – Dy foto të presidentit Amerikan Barak Obama janë duke bërë xhiron e botës, pas denoncimit që ka bërë gazetari politik i djathtë Jack Cashill. Ai ka hedhur në treg idenë se fotoja e Obamës që u prezantua në fushatë elektorale me gjyshërit e tij nga nëna, është një montazh.
Cashill ka sjellë një foto të ngjashme dhe argumenton se Obama dhe stafi i tij e kanë manipuluar me fotoshop, për të krijuar idenë se kandidati për president është rritur në SHBA dhe ka pasur marrëdhënie të mira me prindërit.
Kjo ide ka gjetur mbështetjen e njerëzve që besojnë në idetë konspirative dhe që mendojnë se Obama nuk ka lindur në Shtetet e Bashkuara të Amerikës.
Në foton e parë paraqitet, pamja që Obama e ka publikuar në librin e tij dhe që u bë publike dhe gjatë fushatës elektorale, për të treguar lidhjen e tij me prindërit e nënës. Fotoja është bërë në Universitetin Kolumbia në SHBA.
Në foton e dytë, janë vetëm prindërit e nënës së tij, Armour Dunham e Madelyn Lee Payne Dunham, dhe sipas Cashill mbi këtë foto është bërë montazhi.
a.k/NOA
