Korçë, 16 prill, NOA – Gjykata e Korçës ka caktuar sot masën e arrestit me burg për babain mostër, i cili shfrytëzonte dy vajzat e tij të mitura, duke i dhënë tek klientë në moshë të madhe kundrejt një pagese me lekë.
Skandali i shfrytëzimit të të miturave për prostitucion, është zbuluar nga policia e Korçës gjatë një hetimi 3-mujor, i cili është mbyllur me finalizimin e operacionit të koduar “Xhunior”.
Thuhet se shfrytëzimi i dy të bijave nga ana e 51-vjeçarit Pëllumb Mullaji, kishte nisur pas divorcit me gruan e tij.
Ndërkaq, në kuadrin e këtij operacioni, janë vënë në pranga edhe tre personat Andrea Nameti, Skënder Koralli 35 vjeç dhe Nevruz Kollani, 50 vjeç; të cilët kryenin marrëdhënie seksuale me vajzat në mënyrë sistematike. n.e/NOA
