Bulqizë, 17 prill 2011, NOA- Një aksident i rëndë ka ndodhur pak më parë në Bulqizë ku një makinë ka dalë nga rruga dhe si pasojë e saj kanë ngelur të vdekur dy persona.
Nga të dhënat paraprake bëhet e ditur se aksidenti ka ndodhur në aksin rrugor Krastë-Qafë Buall, ku makina me të cilin udhëtonin viktimat ka përfunduar në greminë, çka e ka bërë fatal aksidentin dhe pasojat e tij.
Ndërkaq mësohet se makina ishte nisur nga Krasta në drejtim të Bulqizës, ndërsa nuk bëhen të ditur ende identitetet e dy viktimave.
Nga ana e policisë ka nisur menjëherë operacioni për zbardhjen e shkaqeve të aksidentit dhe identifikimin e viktimave.
a.y/NOA
