Tiranë, 17 prill, NOA – Një 40-vjeçar është arrestuar nga policia e Tiranës pasi akuzohet si autor i një grabitje me dhunë. Personi i arrestuar është Ergys Jani Demo, 40 vjeç, lindur e banues në Tiranë.
Demo ka grabitur në qendër të Tiranës, në bulevardin “Gjergj Fishta” një grua duke i marrë me dhunë asaj varësen që mbante në qafë. Grabitja ka ndodhur në datën 15 prill rreth orës 13:00.
Pas denoncimit të gruas u bë i mundur dhe identifikimi i autorit. Ndërkohë që policia ka bërë dhe arrestimin e tij gjatë orëve të vona të mbrëmjes së djeshme. Ndaj Demos ka nisur procedimi penal për veprën penale të vjedhjes me dhunë parashikuar nga neni 139 i Kodit Penal.
a.k/NOA
