Zagreb, 18 prill, NOA – E gjithë Kroacia ka shpërthyer në vaj, kur në ekranet publike të vendosura rrugëve, është shpallur live, vendimi i gjykatës së Hagës për dënimin me 24 vjet burg të gjeneral Ante Gotovinës.
I shpalluri hero kombëtar, personi që dëboi mëse 220 mijë serbë dhe çliroi territoret e pushtuara kroate nga pakica serbe, duket se nuk është aspak i tillë për Gjykatën Ndërkombëtare Penale për ish-Jugosllavinë në Hagë.
Madje as edhe i padituri tjetër si bashkëpërgjegjës i rëndësishëm për operacionin ushtarak kroat "Stuhia" në vitin 1995, ish-gjenerali Mladen Markac, i cili u dënua me 18 vjet heqje lirie.
Të gjithë kroatët kanë mbetur pa fjalë nga një vendim i tillë, ndërsa ky operacion i ’95-ës është konsideruar prej tyre si një luftë e drejtë, në mbrojtje të territorit të tyre.
n.e/NOA
