Ferizaj, 19 prill 2011, NOA - Drejtoria për Hetimin e Krimit të Organizuar në kuadër të operacionit të koduar “Glloboqica” arrestoi sot tre persona me akuzën se kontrabandonin armë dhe municione luftarake. Gjatë operacionit policor u ushtruan kontrolle të hollësishme nëpër shtëpitë edhe lokalet e dyshuara në zonën e drejtorisë rajonale të Ferizajt, ku u vunë në pranga një grup i strukturuar i të dyshuarve, të cilët dyshohet se në vazhdimësi kanë kontrabanduar armë dhe municione.
Gjatë operacionit u arrestuan shtetasit shqiptarë nga Kosova Q. Ceka i lindur në vitin 1981, I. Ceka i lindur në vitin 1962 dhe B. Ceka i lindur në vitin 1969.
Në shtëpitë dhe lokalet e kontrolluara policia e Ferizajt konfiskoi një sasi armatimi dhe municionesh si:
5 pushkë automatike (1 AK 47 dhe 4 të tjera prodhim suedez);
1 pushkë M 48;
1 revole 9 mm;
1 karabinë zvicerane;
1 pushkë gjysme-automatike, prodhim jugosllav
1 palë dylbi ushtarake dhe
qindra fishekë të kalibrit të ndryshëm
Të dyshuarve u është caktuar masa e ndalimit policor për 48 orë dhe janë dërguar në qendrën e mbajtjes në Prishtinë.
Ky rast është po hetohet në bashkëpunim me disa shtete të rajonit dhe cilësohet si një dëshmi se e shtimit të nivelit të bashkëpunimit rajonal në luftën kundër krimit të organizuar.
mit/NOA
