Durrës, 21 prill, NOA – Forcat e policisë së Durrësit, nën operacionin policor të koduar “Vija e Bregdetit”, kanë sekuestruar rreth gjysmë kilogrami lëndë narkotike e llojit kokainë.
Ngjarja bëhet me dijeni prej tyre për agjencinë e Lajmeve NOA, duke pohuar më tej, se janë arrestuar edhe 3 persona në flagrancë, të cilët e posedonin këtë sasi droge.
Konkretisht, ata janë Edison Sulejmani, 26 vjeç, banues në Durrës; Enea Sulaj, 21 vjeç, banues në Vlorë dhe Gëzim Bardhaj, 42 vjeç, edhe ky banues në Vlor.
Lënda narkotike në fjalë, u kap në automjetin tip Benz me targa VL 8893 B, dhe krahas saj, u sekuestruan në cilësinë e provës edhe 4 telefona celularë, automjeti i lartpërmendur, si edhe një shumë prej 72.000 lekësh.
Materialet për veprën penale të “Prodhimit e shitjes së lëndëve narkotike” iu kaluan
për ndjekje Prokurorisë së Rrethit Durrës.
n.e/NOA
